Wåhnen köönt ji ok bi uns, in - „Lieschen’s Dachbutze“

„Lieschen’s Dachbutze“ liggt an’n Rand vun denn Stadtkarn un rund 200 m vun’n Strand weg, för denn man nix betåhlen bruukt. Dat hannelt sick hier üm ’n komplett nie överhålte Dackböhnwåhnung mit 2 ½ Stuven op rund 60 qm. De gröttst’ Stuuv is de Wåhnstuv mit integrerte Eteneck, de twete is ’n feine Slååpstuuv un denn noch ’n lüttje Döns mit ’n Puuch in. De Köök is utstattet mit ’n E-Heerd/Backåven, Köhlschapp, Geschirrspöler, Mikrowell, Kaffeemaschien un Toaster. De Footborrn is överall mit Laminat utleggt.

Fernseher und Stereoanlååg mit CD-Fack sünd in de Wåhnstuuv, un dormit ji nich so veel Reisepackelååsch ümherslepen mööt, findt sick in de Wåhnung dütt:

•    Bettwäsch
•    Handdöker (åvers keen Stranddöker)
•    Båådmäntel
•    Fön
•    Plättiesen un -brett
•    Radiowecker
•    Ansünsten steiht för ju in’n Keller een Waschmaschien, ’n Wäschdröger un’n Huulbessen parååt.

In uns’n Binnenhoff mit Dische, Stöhl un Liegestöhl köönt ji fein relaxen. „Lieschen’s Dachbutze“ is ideal to wåhnen för dree utwussen Minschen; op Wunsch stellt wi för de lütten Gäst bit 36 Pund ’n Kinnerreisebett kostenfri dorto.

Een Deel is noch to bedenken: In „Lieschen’s Dackstuuv“ dörv nich smöökt warrn; - is noch niemals smöökt worrn - un doran wüllt wi uns ok in de tokåmen Tiet hooln.

Schullen wi ju’t Intresse weckt hebben, roopt uns eenfach an. (Fon 04351-2861 / Fax 04351-2880).

Wüllt ji mehr vun uns’e smucke Lüttstadt Eckernför (23500 Inwåhners) weten, denn geevt wi denn Rååtslaag, in de Websiet www.eckernfoerde.de rintokieken.

Dor findt ji allns, wat ji för ’n feinen Urlaub an de Oostsee weten mööt.