Spezialitäten & Besonnerheiten
Uns’e Spieskoort höllt ’n dagdäglich wesselnde Middagskoort för ju parååt oder låådt ju in, de gootbörgerliche Sleswig-Holsteen’sche Köök to studeren. Un ok de Gourmet-Fründ is bi uns in’n »Domkroog« richtig ophåven. Ansünsten föhrt wi noch ’n Sonnerkoort mit Spezialitäten, dee jümmers - de Johrstiet entsprekend - wat Besonneret anbeden deit.
So ganz bilöpig – för uns åvers sülvstverständlich: All de Todaten warrt dagdäglich frisch inköfft un verarbeit’t.
To de utsöchten Gerichte höört nakloor ok ’n wunnerbåre Wien. Keen Bang, bi uns in’n Domkroog warrt jede Wienfründ fünnig. Wi beden französ’sche un italjeensche Wiensorten an, åvers ok uns’e düütsche Wien ut ünnerscheedliche Regionen kümmt nich to kort. Wi hebbt för jeden Smack wat dorbi.
Schullen ji Aptiet op sülvst backene Torten hebben, sünd ji bi uns an de richtige Stell. Vun de Eierlikörtort över Stickelbeer bit hen nå de Eerdbeertort, nakloor jümmers to dee Tiet, wenn se riep sünd. Ji weet’t jå: Blots frisch - kümmt bi uns op ’n Disch.
Åvers ok de Kultur warrt bi uns “Groot“ schreven. Wieldess in’n Harvst de Störm toven doot, geneten ji in kommodige Atmosphäre bi typisch Noorddüütsche Gerichte de Plattdüütsche Lesungen, vördrågen vun bekannte Schrievers un Vertellers ut Hamborg un Sleswig-Holsteen.
De Termine leest ji ünner dat Rebeet "Veranstaltungen".