Restaurant

Klaus-Dieter Kohrt, »Domkroog«-Kröger siet 1985, is de Seel vun dütt Huus un jümmers persönlich in denn Kroog antodråpen. Sien Fru Bärbel sorgt dorför, dat sick dat Gold op de Hüften vun de Gäst so’n lüttje beten utdehnen deit, denn ehr sülvst backene Torten sünd all wiet över de Grenzen vun Eckernför un Sleswig-Holsteen kunnig. Uns’ Restaurant, vergleken mit Grootmodders beste Stuuv, bütt Platz för sowat 44 Lüüd in kommodige Atmosphäre.

De Grötte vun dat Restaurant is akrååt passend för lüttere Festivitäten, sünnerlich Familienfiern. Dorto bäden wi uns’e Gäst ’n grote Terrass för bit to 100 Lüüd an. Ok hier sorgt wi dorför, dat jue Urlaubsdag oder de Kaffeepaus to’n afsluut’s Utspannen warrt; - un Hoochstöhl mit vulle Bepolsterung dråågt dorto bi. Geern stellt wi bi kole Witterung ok warme Wulldeken parååt.

Tosåmen mit uns’e Mitarbeiters warrt wi allns doon, ju’e kulinarische Wünsch nåtokåmen.
Hebbt wi ju nu op ’n Smack bröcht? Denn wörrn wi uns bannig högen, ju mål ganz persönlich „Goden Dag“ to seggen un to bedenen. Bit dorhen ... - Ju’t Domkroog-Team